Samruk-Kazyna Construction Қонаев қаласының құрылысына қатысып жатыр

Қазіргі уақытта «Sun City» деп аталатын эконом-класты тұрғын үй кешенінің құрылысы жүріп жатыр. Жобаның бастамашысы – «KIK Qurylys» ЖШС және «JK Sun City» ЖШС атынан Консорциум. «Sun City» тұрғын үй кешені пәтерлерінің жалпы ауданы 23мың шаршы метрден асатын 12 қабатты үш үй салуды көздейді.

Биылғы қыркүйек айынан бастап құрылыс жұмыстары белсенді жүргізілуде. Атап айтқанда, құрылысшылар 1 және 2 блоктың іргетастарын орнату жұмыстарын аяқтады, қабырғалар мен жертөлендерді орнату жұмыстарын жүргізуде. 3 блок бойынша жер жұмыстары аяқталды, іргетас салу бойынша жұмыстар жүзеге асырылуда. Жоба аясында 360 пәтер қарастырылған, оларды пайдалануға беру 2023 жылдың VI тоқсанына жоспарланған.

2022 жылғы 19 қазанда Мемлекет Басшысы Қасым-Жомарт Тоқаев қала жұртшылығымен кездесуде сөйлеген сөзінде өңірдің алдына теңгерімді аумақтық дамуға қол жеткізу міндетін қойды. Тұрғын үй тапшылығына, тозығы жеткен және апатты тұрғын үйлердің үлкен көлеміне ерекше назар аударды.

«Sun City» тұрғын үй кешені — «Samruk-Kazyna Construction» АҚ үшін Қонаев қаласының кешенді құрылысына қатысудың символдық бастамасы болды. Сонымен қатар, ағымдағы жылдың мамыр айында Қоғам Қонаев қаласының Әкімдігімен меморандумға қол қойды, оның аясында ескі тұрғын үйлерді жаңарту бағдарламасы бойынша көпқабатты тұрғын үйлер салу жоспарлануда.

«Samruk-Kazyna Construction» жаңа құрылыс жобаларын іске асыру бойынша ынтымақтастық пен бірлескен жұмысқа ашық.